राजारानी पोखरीको परिचय:
राजारानी पोखरी पूर्वी नेपालको रमणीय स्थल मध्ये एक हो । यो पोखरी धार्मिक ,ऐतिहाँसिक र पर्यटकीय स्थल को रुपमा पनि लिनसकिन्छ । यहाँ तीन पोखरी छन् । राजारानी पोखरी मोरंग जिल्ला ,भोगटेनी गा बि स वडा नं ८ को राजारानी सामुदायिक बन भित्र अवस्थित छ । यो पोखरी मोरंग जिल्लाको सदरमुकाम बिराटनगरबाट ५० किलोमिटर उत्तर , पूर्व -पश्चिम राजमार्गको बेलबारी बजारबाट १६ किलोमिटर उत्तर साथै बयरबन गा बि स को कानेपोखरी -लेटांग सडक हुँदै १४ किलोमिटर टाढा पर्दछ ।यस राजारानी क्षेत्र र पोखरीको बारेमा विभिन्न किन्बदंतिहरु पाइन्छन् । यो पोखरी एउटा सानो उपत्यका जस्तो देखिने यहाँ सयौं प्रजातिका पुतली ,दुई दर्जन भन्दा बढी जीवको बासस्थान मात्र नभएर विश्व प्रसिद्ध र विश्वबाट लोप हुन् लागेको सुन्दर सुनखरी फुल को (orchid flowers) बासस्थान पनि हो ।पोखरी वरिपरी हराभरा ,सुन्दर र हरियाली वन देख्न सक्छौं । यस पोखरीलाई राजारानी समुदिक बनका उपभोक्ताहरुले संरक्षण गर्दै आइरहेका छन् ।
Lotus Flwer
